जामखेड २९ ऑगस्ट २०२६
जामखेड — दि. 26/08/2026 रोजी रात्री सुमारे 08:30 वाजेपासून दि. 27/08/2026 रोजी सकाळी 08:00 वाजेपर्यंत जयहींद चौक, जामखेड येथील “सचिन प्रोव्हीजन स्टोअर्स” नावाच्या किराणा दुकानाचे शटर उचकटून अज्ञात चोरट्यांनी दुकानात प्रवेश करुन किराणा साहित्य व रोखपैसे चोरी केल्याची घटना घडली.
चोरीत सुमारे ₹54,100 किंमतीचा माल गायब झाल्याची प्राथमिक माहिती नोंदली गेली.घटनेची तशी नोंद जामखेड पोलीस ठाण्यात गुन्हा दि. 593/2026 (भारतीय दंडसंहिता कलम 305(a), 331(4) अन्वये) म्हणून करण्यात आली.
पोलिसांना गुप्तस्रोताकडून माहिती मिळाल्यानंतर तातडीने शहर व सभोवतालच्या गावांमध्ये शोधमोहीम राबवण्यात आली. या कारवाईत करण अशोक पवार (वय 20) व अनिल गौतम काळे (वय 19) हे आरोपी ताब्यात आले.
सखोल चौकशीत दोन्ही आरोप्यांनी चोरीची कबुली दिली असल्याची पोलीस माहिती दिली. त्यांच्या घरच्या तपासणीमध्ये चोरीचा काही भागचा किराणा माल (किंमत सुमारे ₹4,472) व दुकानाचे शटर तोडण्यासाठी वापरलेली लोखंडी कटावणी जप्त करण्यात आली आहे. पोलीसांनी अधिक तपासासाठी संबंधित पुरावे नोंदवले आहेत.
तपासात आणखी दोघे आरोपी — किरण उर्फ खंडया रावसाहेब काळे आणि रोहित अशोक काळे (दोघेही रा. मिलींदनगर, भुतवडा रोड, जामखेड) — फरार असल्याचे आढळले आहे.
त्यांचा शोध लवकरात लवकर घेतला जात आहे, असे पोलिसांनी स्पष्ट केले.
ही कारवाई पोलीस अधीक्षक सुदर्शन मुम्मका, अपर पोलीस अधीक्षक वैभव कलबुर्गे आणि कर्जत उपविभागीय अधिकारी सुजितकुमार क्षीरसागर यांच्या मार्गदर्शनाखाली जामखेड पोलीस पथकाने केली आहे .
कार्यवाहीमध्ये पोलीस निरीक्षक दशरथ चौधरी, सहा. पोलीस निरीक्षक अजित मोरे व इतर कर्मचारी समाविष्ट होते. पुढील तपास पोहेकॉ/ संजय लोखंडे करीत आहेत
About the Author
